ChamberNews

विदेशबाट आयात हुने र स्वदेशमै उत्पादन हुने वस्तुमा अधिकतम खुद्रा मूल्य एमआरपी लेबल अनिवार्य लगाउनुपर्ने व्यवस्था सरकारले कार्यान्वयनमा ल्याएसँगै उद्योगी-व्यापारीको चर्को असन्तुष्टि सतहमा आएको छ।

सरकारले चाहे जसरी तत्काल कार्यान्वयन गर्न नसकिने व्यावसायीहरूले बताएका छन् भने सरकारी निकायले कार्यान्वयनमा कुनै अप्ठेरो नदेखिएको जनाएको छ।

उद्योग, वाणिज्य तथा आपूर्ति मन्त्रालयअन्तर्गत पर्ने वाणिज्य, आपूर्ति तथा उपभोक्ता संरक्षण विभागले पछिल्ला साताहरूमा बजार अनुगमन तीव्र पार्दै कारबाहीसमेत गर्न थालिएको अधिकारीहरूले बताएका छन्।

तर बीबीसीसँग कुरा गर्दै केही उद्योगी-व्यापारीले विभाग एकपक्षीय ढङ्गले अगाडि बढिरहे कलकारखाना बन्द गरेर सरकारलाई चाबी बुझाउने चेतावनीसमेत दिए।