ChamberActivity

Best Intrigrity Award कार्यक्रम

वीरगञ्ज उद्योग वाणिज्य सङ्घद्वारा सशस्त्र प्रहरी उपरिक्षक स्व. सुमन थपलियाको सम्मानमा स्थापित Best Integrity पुरस्कार आज एक कार्यक्रमका बिच सङ्घका अध्यक्ष तथा सशस्त्र प्रहरी महानिरिक्षकद्वारा हस्तान्तरण गरियो । उक्त अवसरमा सशस्त्र प्रहरी नायब उपरिक्षक श्री लोकेन्द्र सुब्बालाई Best Integrity पुरस्कारबाट सङ्घका अध्यक्ष तथा सशस्त्र प्रहरी महानिरिक्षक श्री कृष्णप्रसाद ढकालज्यूले संयुक्त रुपमा रु. २५,००० नगद राशि र सम्मानपत्र हस्तान्तरण गर्नुभयो । कार्यक्रममा सङ्घका उपाध्यक्ष श्री आशिषकुमार लाठज्यू, महासचिव श्री शिवजीप्रसाद साहज्यू, कोषाध्यक्ष श्री अनोज रुँगटाज्यू, सचिवद्वय श्री प्रेमचन्द्र गोयलज्यू र श्री सुशान्त चाचान ज्यू, सह कोषाध्यक्ष श्री निरज अग्रवालज्यू, सह सचिव श्री नरेशकुमार टिबडेवालज्यू तथा प्रशासकीय अधिकृत श्री मनोज उपाध्यायज्यूको उपस्थिति रहेको थियो।